Ngā inu pai

Ko ngā inu tino pai rawa mā ngā pēpi mai i te 6 marama ko te waiū (paura miraka, ki te kore taea te waiū).  Ko te waiū anake te kai e hiahiatia e ngā pēpi mō ngā marama e ono tuatahi.

Mai i te 7–12 marama, ko te waiū (paura rānei) me te wai ngā inu tino pai rawa mā tō pēpi.  Ka taea te hoatu wai i roto i te kapu, ahakoa he nui tonu te inu ka whiwhi i te waiū.

Ka whakarite pea koe ki te whāngai haere tonu i tō pēpi ki te waiū ki ngā marama 12 neke atu. 

Me tatari kia 12 marama te pakeke o tō pēpi i mua i te whāinu ki te miraka kau.

Kaua rawa e whāinu i tō pēpi ki ngā inu whai huka tūturu, huka tāpiri rānei (pēnei i ngā wai huarākau, waireka, inu koropupū, miraka reka rānei).  Kāore e pai ēnei inu mā tō pēpi.  Ka pirau ngā niho o te pēpi i ngā huka i roto i ngā inu, ā, ka mate hiakai pea tō pēpi mō ngā kai reka. 

Kaua rawa e whāinu tō pēpi ki te tī, kawhe, waipiro, inu whakahohe, ētahi atu inu a te pakeke rānei.