Me pēhea te mahi paura miraka?

Āta pānuihia ngā mōhiohio kei te tini paura miraka (tae ki te rā mōnehu) ka whai i ngā tohutohu.  Me mātua whakamahi i te koko kei roto i te tini.

Ehara te paura miraka pēpi i te horomata.  Āta whakamahi me te putu paura miraka kia noho pai ai mō te pēpi. 

Me whakarite te paura miraka i mua tonu i te whāngainga.

Ki te kore e taea, ka taea te waiho i te paura miraka kua whakaritea ki te pāmahana ā-whare atu ki te 2 haora te roa, ki rō pouaka makariri atu ki te 24 haora te roa. 

Mō ngā marama e 6 tuatahi o tō pēpi, me paera ngā wai katoa ka whakamātao i te rā ka whakamahia e koe.

I ngā tāone nui me ngā tāone, ka taea e koe te whakamahi wai mai i te kōrere wai hei mahi paura miraka i muri i te ekenga ki te 6 marama.  Atu i tēnā, me paera haere tonu te wai.