Kei te nui te kai a pēpi?

Ētahi tikanga e mōhio ai koe mēnā kei te nui te miraka mā te pēpi:

• te tipu me te taumaha – kei roto i ngā Whakaaturanga Hauora Tamariki Ora a tō pēpi ngā kauwhata o te taumaha me te tipu o tō pēpi
• ngā kope mākū maha
• te tiko ia rā

Kia mahara, ehara i te mea me pau katoa i te pēpi te katoa o te pātara paura miraka i ngā wā katoa.

Ehara te tangi a te pēpi i te tohu kei te hiakai i ngā wā katoa – kei reira ētahi atu take e tangi ai tō pēpi.

Ka āwhina tō tapuhi whakawhānau, tō nēhi Tamariki Ora i a koe kia mōhio ai ki ēnei tohu, me te whakarite kei te tōtika te kai a tō pēpi.

Me kai auau tō pēpi i te pō, nō reira me ara pea koe i ētahi wā o te pō ki te whāngai i a ia.  Kāore e rerekē ake ngā āhuatanga moe o ngā pēpi kai paura miraka ki ngā pēpi kai waiū.