Me whai i tētahi raupapa kai auau, paramanawa hoki

Me whakarite mō ngā kai e 3 me ngā paramanawa 1, 2 rānei i te rā, ina kai ana tō pēpi i ngā kai rerekē, tātangi rerekē rānei.  He paku noa iho ngā puku o ngā pēpi, nō reira me auau te kai i ngā rahinga iti.

I te wā kai, ina mutu ana te hiahia a tō pēpi ki te kai, whakamutua te kai.  He pai te 20 mineti mō te kai, ka mutu ka roa ake pea mēnā kei te pārekareka tō pēpi me ngā kai, me poto ake rānei ki te kore.

He āwhina ngā raupapa, engari he mea nui anō ki te whai i tō pēpi.  Mēnā ki tō whakaaro kei te hiakai tonu ia, hoatu he paramanawa iti, hauora hoki.  Kaua rawa e waiho kia tatari mō te 7 karaka rā anō i te ahiahi kai ai, ahakoa ka taea e koe!

Mēnā e mōhio ana koe he pai ake te kai a pēpi i ngā ata, he pai te whāngai i a ia ki ngā kai ahiahi i taua wā.  Kei a koe te tikanga!

Ko te tikanga ka kai ia i ngā kai hauora me te whakamātau i ngā kai hou mēnā kāore e tino tata rawa te whāngai i ngā paramanawa ki te wā kai.