Croup Animation (Tongan)

Transcript

Ko e Croup ko ha mahaki ia ‘oku ne fakatupu ke fāsi‘i ange ‘a e konga ki ‘olunga ‘o e halanga mānavá.

‘Oku lahitaha ‘ene uesia ‘a e fānau ta’u taha kihe tolu.

‘E lava ke kamata ‘a e Croup ‘aki ha ngaahi faka‘ilonga ki he puke he momokó hangē ko ha:

• mamahi ‘a e fo‘i mongá
• mofi
• fofonu ‘a e ihú.

Ko e fānau ‘oku nau puke 'i he croup te nau:

• tale hange oku fāfā ‘ae le’o
• mānava faingata‘a
• ma‘u ‘a e fa‘ahinga longoa‘a ‘i he mānavá ‘o hange oku no’osia ‘ae halanga manava ‘ihe taimi manava ki loto

‘Oku fa‘a kovi ange ‘a e ngaahi faka‘ilonga ‘o e Croup ‘i he po‘ulí pe ‘i he taimi ‘oku tangi pe ‘ite’ita ai ho‘o tamá.

Koe Croup ko ha fokoutua ma‘ama‘a pē ka ‘e lava ke vave ‘ene hoko ‘o fakatu‘utāmakí.

Sio ki ha tokotaha ngāue fakapalofesinale ki he mo‘ui leleí ‘i he vavetahá kapau ko ho‘o tamá ‘oku:

• faka‘au ke kovi ange ‘a e longoa‘a ‘o ‘ene mānavá pe
• ‘oku faka‘au ke loto mamahi pea ‘oku ‘ikai lava ke ke fakanonga kinautolu

Kapau ‘okú ke hoha‘a, telefoni ki he Healthline ‘i he fika 0800 611 116 pe toe foki ki ha tokotaha ngāue palofesinale ki he mo‘ui leleí.

Taila ‘a e 111 kapau ko ho‘o tamá ‘oku:

• lanu pulū takatakai ‘a e ngutú pe
• faingata‘a‘ia ‘ene mānavá pe
• faingata‘a ke ‘ā‘ā pe
• tāvaivaia pe
• hafu hono fāvaí

Vakai ki ha fakamatala lahi ange fekau‘aki mo e croup (‘i he lea Faka-Pilitāniá) ‘i he KidsHealth.